१२ वर्षे बालिकाले किन हालिन् टिकटकविरुद्ध मुद्दा

द्वारा प्रकाशित गरिएको हो |
२०७७ पुष १८, शनिबार १०:२७ बजे
अनुमानित पढ्ने समय : 2 मिनेट
तस्विर : मधेश 24

एजेन्सी : एक १२ वर्षीया बालिकाले भिडियो शेयरिङ एप टिकटकविरुद्ध मुद्दा हालेकी छन् ।

नाम गोप्य राखिएकी ती बालिकाले टिकटकमाथि बालबालिकाका डाटाहरु अवैधानिकरुपमा प्रयोग गरिरहेको जिकिर गरेकी छिन् ।

 

ती बालिकालाई कानुनी लडाइँका लागि बेलायतको बालबालिका आयोगकी आयुक्त आन्ने लंगफिल्डले सहयोग गरिरहेको बताइएको छ ।

टिकटकले बेलायत तथा युरोपेली युनियनको डाटा सुरक्षण कानुनको उल्लंघन गरिरहेको दाबी उनको छ ।

उता टिकटकले भने बालबालिकाको संरक्षणका लागि कम्पनीले दहि्रलो नीति अख्तियार गरिरहेको र १३ वर्षमुनिका बालबालिकाहरुलाई टिकटकमा खाता खोल्न बन्देज लगाइएको जनाएको छ ।

उता बालबालिका आयुक्त लंगफिल्डले भने टिकटकविरुद्ध १२ वर्षीया बालिकाले दायर गरेको मुद्दाले १६ वर्षमुनिका विश्वभरका टिकटक प्रयोगकर्ताहरुलाई टिकटकमा सुरक्षित राख्न सहयोग गर्ने दाबी गरेकी छिन् ।

उनका अनुसार टिकटकले आफ्नो भिडियो रेकोमेन्डेसन अल्गोरिदममा प्रयोग गर्न, दर्शनको ध्यान आकृष्ट गर्न तथा विज्ञापनबाट आय बढाउनका लागि बालबालिकाका डाटाहरु संकलन तथा प्रशोधन गर्ने गरेको छ ।

एक भिडियो लिंकमार्फत लण्डन हाइकोर्टलाई अनुरोध गर्दै उनले बालबालिकाका डाटाहरु डिलिट गर्नका लागि अदालतले टिकटकलाई आदेश दिएर नजिर स्थापित गर्ने अपेक्षा गरेकी छिन् ।

स्मरण रहोस् बालबालिकाका डाटाहरु संकलन तथा दुरुपयोग गरेको आरोपमा सन् २०१९ मा अमेरिकाको संघीय वाणिज्य आयोगले टिकटकमाथि ५७ लाख डलर जरिमाना गरेको थियो । गत वर्ष सन् २०२० मा दक्षिण कोरियाले पनि यस्तै मुद्दामा टिकटकमाथि जरिमाना गरेको छ । बीबीसी

प्रतिक्रिया दिनुहोस

सम्बन्धित समाचार