केपी ओलीले संविधानलाई नै खतरामा पारे : विमलेन्द्र निधि

द्वारा प्रकाशित गरिएको हो |
२०७७ फाल्गुन ३, सोमबार १९:३५ बजे
अनुमानित पढ्ने समय : < 1 मिनेट
तस्विर : मधेश 24

मधेश24,सप्तरी । प्रधानमन्त्री केपी शर्मा ओलीले संविधानलाई नै खतरामा पार्न खोजेको नेपाली कांग्रेसका उपसभापति विमलेन्द्र निधिले बताएका छन् ।

प्रतिनिधिसभा विघटनको विरोधमा सप्तरीले सदरमुकाम राजविराजमा आयोजित विरोधसभालाई सम्बोधन गर्दै निधिले भने, ‘संसद् विघटन गरेर ओलीले संविधानमाथि प्रहार गर्नुभएको छ । संविधान जोगाउन दुई विकल्प मात्रै बाँकी छ ।’

‘जनताले चुनावमा मत हालेर संसदको गठन गर्न सक्छ,’ उनले भने, ‘त्योभन्दा अगाडि अदालतले सटकट तरिकाले पुनर्स्थापना पनि गर्न सक्छ ।”

पुनर्स्थापना भए ठीक हुने, तर चुनाव भएपनि कांग्रेस पछाडि नहट्ने उनले बताए ।

कांग्रेसका सप्तरी सभापति दिनेश कुमार यादवले प्रधानमन्त्री केपी शर्मा ओलीले निरंकुशता प्रदर्शन गर्दै संसद् विघटन गरेको आरोप लगाए ।

प्रतिक्रिया दिनुहोस

सम्बन्धित समाचार