जनकपुरधाम आइपुग्यो परिक्रमा

द्वारा प्रकाशित गरिएको हो |
२०७७ चैत्र १४, शनिबार २०:२८ बजे
अनुमानित पढ्ने समय : 2 मिनेट
तस्विर : मधेश 24

जनकपुरधाम– धार्मिक तथा ऐतिहासिक महत्वको १५ दिवसीय मिथिला मध्यमा परिक्रमा शनिबार जनकपुरधाम आइपुगेको छ ।

विश्वको सबैभन्दा लामो १ सय ३३ किमी दूरीको पैदल परिक्रमा यात्रा १५ औं दिन जनकपुरधाम आएको हो ।

शुक्रबार भारत बिहारको बिसौलमा विश्राम गरेका श्रद्धालु कल्याणेश्वर महादेवको दर्शन गर्दै आज जनकपुरधामको रंगभुमी मैदान आइपुगेको हो ।

आइतबार विहान अन्तगृह जनकपुरधाम नगरको परिक्रमा गरी अन्तय हुने छ । परिक्रममा देश विदेश लगायत विभिन्न ठाउँका करिव ५० हजार मानिस पद यात्रा परिक्रमा गरेको बुझिएको छ। अहिले परिक्रमा यात्रीहरु जनकपुरधामको ऐतिहासिक रंगभूमि मैदान बाह्रविघा रंगभूमि मैदान, तरहुतिया गाछी मैदानमा बसेका छन्।

अहिले उक्त दुबै स्थलमा सयौँको संख्यामा पाल, त्रिपाल टाँगेर बसेका छन्।

धनुषाको मिथिला बिहारी नगरपालिकास्थित तारापट्टीबाट मिथिला बिहारीको डोला र जनकपुरको जानकी मन्दिरबाट निस्केको किशोरीजीको डोला जनकपुरको हनुमाननगरमा पुगेर परिक्रमाको विधिवत् शुरु भएको थियो।

मध्यमा परिक्रमाले भारतका चार र नेपालका ९ गरी १३ स्थानमा विश्राम लिएको थियो। १३ दिनसम्ममा मध्यमा परिक्रमाका सहभागीले कुल १ सय ३३ किलोमिटर दूरी तय गरेका छन्।

सबै भन्दा ठूलो धार्मिक पदयात्राको रुपमा रहेको मिथिला मध्यमा परिक्रमामा सहभागी हुनाले मनोवाञ्छित फल प्राप्त हुने जनविश्वास रहेको छ। मिथिला महात्मका अनुसार मिथिलामा बृहत, मध्यमा र अन्तगृह गरी तीनवटा परिक्रमाको उल्लेख पाइन्छ।

परिक्रमामा मिथिला मध्यमा परिक्रमाको अति विशिष्ट महत्व रहेको छ। मिथिला मध्यमा परिक्रमाको धार्मिक कुटनीतिका साथै पर्यटन, धार्मिक, सामाजिक तथा आर्थिक दृष्टिकोणले महत्वपूर्ण रहेको छ।

परिक्रमाको प्रारम्भबारे कतै उल्लेख नभए पनि विद्वान बरघार्टको एक अनुसन्धानका अनुसार १८औँ शताब्दिमा भारतको सीतामढीबाट आएका सन्त सीताराम दासले यो परम्पराको शुरुवात गरेका थिए। परिक्रमामा सीतारामको प्रतिमालाई बाजाका साथै घुमाउने परम्परा रहेको छ।

प्रतिक्रिया दिनुहोस

सम्बन्धित समाचार